У Варшаве ўшанавалі памяць першых загінулых на Майдане



У польскай сталіцы каля амбасады Украіны адбылася акцыя ўшанавання памяці першых ахвяраў на Майдане. Мінуў год, як забілі армяніна Сяргея Нігаяна, беларуса Міхала Жызнеўскага, Юрыя Вэрбіцкага і Рамана Сэніка.

2015-01-23_Zavalnia_akcyja_pamiaci_u_Varsavie_fota5

 

Адзін з удзельнікаў акцыі Алег Радзюк, беларускі студэнт, зазначае, што Міхал Жызнеўскі – гэта прыклад для кожнага беларускага хлопца:

– Сабраліся, каб ушанаваць памяць нашага земляка Міхаіла Жызнеўскага. Асабіста для мяне ён з’яўляецца прыкладам. Для яго не былі абыякавымі нашыя беларускія і агульнаеўрапейскія каштоўнасці. У першую чаргу – ягоная вера ў нашую свабоду.   

Пад сценамі амбасады былі запалены знічкі, чыталіся малітвы за вечнае спачыванне палеглых, была вытрымана хвіліна цішыні.

Адам Завáльня, Беларускае Радыё Рацыя, Варшава

Фота аўтара