У Варшаве закідалі фарбай браму расейскай амбасады



Прынамсі 300 чалавек прынялі ўдзел у пратэсце каля расейскай амбасады ў Варшаве.

Мітынгоўцы выказвалі сваю салідарнасць з Украінай і абураліся агрэсіўнымі дзеяннямі Расеі ў Керчанскай пратоцы. Сярод удзельнікаў акцыі былі як палякі і ўкраінцы, гэтак і беларусы:

– Я вырашыў прыйсці, падтрымаць украінцаў, выказаць пратэст супраць такіх агрэсіўных дзеянняў расейскага флота.

– Мы баімся, што тыя 23 маракі папоўняць шэрагі і так ужо вялікай колькасці ўкраінскіх вязняў на тэрыторыі Расеі.

– Робіцца кепскае. Я баюся. Усе святовыя войны пачыналіся з нейкіх малых канфліктаў.

Пад канец маніфестацыі група палякаў запаліла фаеры, пачала выгукваць абразлівыя лозунгі ў адрас Уладзіміра Пуціна і закідваць браму расейскай амбасады фарбай. Паліцыя досыць хутка спыніла іх дзеянні. Арганізатарка маніфестацыі Наталка Панчанка з “Еўрамайдану-Варшава” асудзіла іх паводзіны:

– Як толькі мы абвесцілі аб афіцыйным закрыцці нашай акцыі, прыйшлі нейкія людзі і пачалі спачатку запальваць фаеры, а затым абкідваць амбасаду Расеі. Я іх асуджаю, хто б гэта не быў, таму што гэтыя праблемы трэба вырашаць цывілізаваным спосабам. Калі мы робім акцыю пратэста мірную, то яна павінна быць мірнай акцыяй.

Сама маніфестацыя пад амбсадай мела спакойны характар.

[Not a valid template]

Адам Завальня, Беларускае Радыё Рацыя

Фота аўтара