Вучні з Гародні праверылі веданне польскай мовы на дыктоўцы ў Беластоку



Пяць вучняў школы 36 ў Гародні прынялі ўдзел у конкурсе пад назвай Podlaskie Mistrzostwa Оrtografii.

Конкурс прайшоў ужо 19 раз і ад самага пачатку ў ім прымаюць удзел госці ў Гародні. Сёлета тэма дыктоўкі: канікулы на Аўгустоўскім канале польска-беларускай сям’і.

Як штогод былі складаныя словы, кажа аўтарка дыктоўкі настаўніца польскай мовы з Гародні Анна Кусельчук:

— Ёсць такія выразы-пасткі, кшталту васямнаццаці з паловай гадоў узросту, паўпольска, паўтатарка, назвы кветак з арфаграфічнымі цяжкасцямі.

Удзельнікі конкурсу:

— Напісанне некаторых выразаў вымагае нашых ведаў. Некаторых выразаў мы не разумеем і таму не ведаем, як яны пішуцца, якая іх гісторыя.

— Я не думаю, што гэта надта цяжка, але напісанне некаторых выразаў можа выклікаць цяжкасці.

Я большую ўвагу звяртала на арфаграфію, калі вывучала польскую мову. Але гэта не цяжкая мова, таму я хутка навучылася.

Вынікі дыктоўкі прагучаць 11 красавіка. Арганізатарам конкурсу з’яўляецца 5 агульнаадукацыйны ліцэй ў Беластоку.

Лукаш Леанюк, Беларускае Радыё Рацыя, Беласток