Упсала: анатамічны тэатр
Першы анатамічны тэатр у Швецыі заснаваны навукоўцам Улафам Рудбекам (1630—1702) для ўніверсітэту горада Упсала (Uppsala). З 1950-ых гадоў XX стагоддзя адрэстаўраваны анатамічны тэатр стаў часткай экспазіцыі гарадскога музея.
У XVII стагоддзі ў гэтай краіне смерцю каралі праз павешанне, якое выконвалася публічна і збірала шмат гледачоў.
Пасля смяротнага пакарання цела шыбенікаў выкарыстоўвалі для публічнага ўскрыцця ў анатамічных тэатрах.
Першапачаткова анатамічны тэатр горада Упсала быў разлічаны на 200 месцаў, што значна перавышала колькасць студэнтаў-медыкаў. На прэпарацыю цела, акрамя медыкаў, на камерцыйнай аснове цікаўных гледачоў.
Грошы, атрыманыя з гледачоў за квіткі, аддавалі сваякам пакаранага смерцю, каб яны мелі магчымасць зладзіць пахаванне.
Нагадаем, што апошняе смяротнае пакаранне ў Швецыі было прыведзенае ў выкананне ў 1910 годзе пры дапамозе гільяціны.
Паліна Сцепаненка, Беларускае Радыё Рацыя
