Віктар Марчык: “Выбары адбудуцца па-ранейшых сцэнарыях…”
Альтэрнатыўнае галасаванне ў Слоніме за кандыдатаў у дэпутаты павінна адбыцца на сямі выбарчых акругах. Астатнія без альтэрнатыў. Альтэрнатывы кандыдатам склалі сябры Слонімскага згуртавання дэмакратычных сіл.
Па словах грамадскага актывіста са Слоніма Віктара Марчыка, выбары ў мясцовыя Савета адбудуцца па-ранейшых сцэнарыях і ніхто ў мясцовыя дэпутаты з сяброў згуртавання не пройдзе. “Калі ў камісіі нікога не ўключылі, то якія могуць быць выбары. Дэпутатамі стануць тыя, каго туды ўжо прызначылі”, — сказаў Віктар Марчык.
Дарэчы, старшыня Слонімскага райвыканкама Алег Таргонскі таксама вырашыў балатавацца ў Слоніме па 28-й выбарчай акрузе ў мясцовыя дэпутаты. Альтэрнатывы ў яго няма, таму ён абавязкова стане дэпутатам раённага Савета дэпутатаў. Па неафіцыйнай інфармацыі, Алег Таргонскі пасля выбараў хоча ўзначаліць Слонімскі райсавет, пакінуўшы крэсла старшыні Слонімскага райвыканкама.
Беларускае Радыё Рацыя, Слонім
Array