Сто першы том „Беларускага кнігазбору” – Мікола Арочка
У Менску свет пабачыў сто першы том славутага кніжнага праекту “Беларускі кнігазбор” – “Выбраныя творы” Міколы Арочкі (1930-2013) – доктара філалагічных навук, паэта, літаратуразнаўца, перакладчыка.
У вялікі том таленавітага беларускага літаратара ўвайшлі новыя, раней неапублікаваныя вершы, а таксама паэтычныя радкі з яго зборнікаў, літаратуразнаўчыя артыкулы, напісаныя ў розныя гады, паэмы “Крэва”, “Судны дзень Скарыны” і новая паэма “Каранацыя Міндоўга”.
Мікола Арочка быў родам са Слонімшчыны, жыў у Менску, працаваў у Інстытуце літаратуры імя Янкі Купалы Нацыянальнай Акадэміі Навук. Выдаў дзясяткі кніг паэзіі і крытыка-літаратуразнаўчых артыкулаў. Апошнія дваццаць гадоў жыў у роднай вёсцы Вецявічы на Слонімшчыне, дзе і памёр. “Выбраныя творы” Міколы Арочкі падрыхтаваў яго зямляк пісьменнік Сяргей Чыгрын. Ён напісаў прадмову да кнігі і зрабіў каментар. Том Міколы Арочкі аздоблены здымкамі, многія з якіх апублікаваны ўпершыню.
Мікола і Марыя Арочкі, 1953 год.
Анатоль Верабей, Мікола Арочка і Максім Танк, 1977 год
Анатоля Іверса (справа) І Міколу Арочку ў слонімскіх школах сустракалі з хлебам-соллю, 1984 год.
Пісьменнікі Гродзеншчыны (злева направа) Алена Руцкая, Алег Лойка, Анатоль Іверс, Сяргей Чыгрын, Мікола Арочка, Данута Бічэль, Аляксей Пяткевіч, Алесь Сучок, Слонім, 1987 год.
Аксана Шпак, Беларускае Радыё Рацыя
Array