Гародня: Марш смелых „Я выходжу”
Ля Фарнага касцёла і помніка Фары Вітаўта, дзе знаходзяцца мемарыялы памяці Рамана Бандарэнкі, камунальнікі пад наглядам міліцыі пачалі прыбіраць лампадкі і кветкі.
* * *
14.50. Сквер, дзе знаходзіцца народны мемарыял, абгарадзілі, сілавікі адціснулі адтуль людзей.
Некалькі дзясяткаў чалавек знаходзяцца ля Фарнага касцёла. Супрацоўнікі міліцыі папярэджваюць іх, што мерапрыемства несанкцыянаванае. Людзі працягваюць стаяць.
* * *
Затрымана некалькі дзясяткаў чалавек, сярод якіх Андрэй Ломаў (Hrodna.life), Яўген Бузук (фатограф) і Міхаіл Кунцэвіч (autogrodno.by).
Фота: t.me/hrodnalife
* * *
Людзі пасля разгону і затрыманняў вяртаюцца да Фары Вітаўта. Некаторыя шпацыруюць па цэнтры горада.
Па горадзе ходзяць узброеныя стрэльбамі байцы без апазнавальных знакаў.
* * *
На вуліцы Савецкай, праз якую людзі спрабавалі рушыць калонай, пачаліся затрыманні.
Фота: Hrodna.life
13.00. Колькасць людзей павялічваецца, каля помніка Фары Вітаўта ўжо каля 500 чалавек.
* * *
На Альшанку ўжо прыехалі супрацоўнікі ў міліцэйскіх бусах. А на Савецкай плошчы ля мемарыялу Раману Бандарэнку колькасць людзей павялічваецца.
* * *
Савецкая плошча перакрытая, каля Фарнага касцёла дзяжураць два аўтазакі.
Некалькі соцень чалавек стаяць каля помніка Фары Вітаўта. Сюды – да народнага мемарыялу Раману Бандарэнку – людзі працягваюць несці кветкі і знічы.
Центр гораду перакрыты, на кожным куце ў дварах цэнтру дзяжураць міліцэйскія машыны, а таксама вялікая колькасць аўтазакаў.
Затрыманняў пакуль не было.
Гарадзенская Альшанка выйшла у „ланцуг памяці”. Некалькі дзесяткаў чалавек сталі са сцягамі на самым „баявым” раёне гораду.
Беларускае Радыё Рацыя, Гародня
Фота: Сяргея Апановіча
