Герасіменя: Наш крымінальны пераслед – аплявуха для МАК
Крымінальная справа за нібыта прычыненне шкоды нацыянальнай бяспецы Беларусі была ўзбуджана супраць кіраўніцтва Беларускага фонду спартовай салідарнасці.
Сітуацыю каментуе старшыня Фонду, трохразовая алімпійская прызёрка Аляксандра Герасіменя:
– Немагчыма сказаць адназначна на колькі Лукашэнка ўлучаны ў гэты працэс, але ў любым выпадку лічу, што гэта была адмысловая помста, бо фондам былі ініцыяваны не толькі санкцыі з боку Міжнароднага алімпійскага камітэту і адмены міжнародных спаборніцтваў, але таксама яго сыход з пасады прэзідэнта Нацыянальнага алімпійскага камітэту.
Сваю ацэнку справе даў выканаўчы дырэктар Беларускага фонду спартовай салідарнасці Аляксандр Апейкін:
– Адкрыццё гэтых крымінальных спраў – гэта ціск на нас, як удзельнікаў алімпійскага руху. Лукашэнка для нас не з’яўляецца прэзідэнтам, на сённяшні дзень ён проста фізічная асоба, якая захапіла з групай іншых асоб уладу ў Рэспубліцы Беларусь. Таму ягоны каментар адносна нас абсалютна нейтральны для нас момант.
Герасіменя і Апейкін падкрэслілі, што не лічаць крымінальную справу супраць іх законнай. На сённяшні дзень Беларускі фонд спартовай салідарнасці рыхтуе афіцыйнае паведамленне МАК па факце крымінальнага пераследу свайго кіраўніцтва.
Беларускае Радыё Рацыя
Array