Палітвязні ў калоніях знаходзяцца пад рэгулярным прэсінгам
Пінчукі-палітвязні асуджаныя па гучнай “пінскай справе” знаходзяцца ў калоніях пад рэгулярным прэсінгам, – гаворыць грамадская дзяячка Вераніка Іванова, якая адсочвае лёс зняволеных землякоў.
Пра ціск вязні ўрыўкамі даюць зразумець у лістах:
– Пісьмы прыходзяць супярэчлівыя. Трэба разумець, што яны не могуць напісаць усё, што ў іх на душы. Але з таго, што яны пішуць, робіцца зразумелым, што адносіны да іх прадузятыя, умовы ў іх у калоніях вельмі жорсткія, шэраг палітычных зняволеных перыядычна знаходзяцца ў штрафных ізалятарах, гэта ідзе мэтанакіраваны прэсінг, як апісваў Алеся Бяляцкі, калі няма парушэння, то яго прыдумаюць. Ідзе ціск.
На сёння па “пінскай справе” ўжо асуджана 26 чалавек. За ўдзел у стыхійным мітынгу ў першы паслявыбарчы вечар пад будынкам Пінскага гарадскога выканкама пінчукі атрымалі ад 3,5 да 6,5 гадоў зняволення ва ўмовах узмоцненага рэжыму. Сілавікі працягваюць выяўляць новых удзельнікаў тых падзей.
Беларускае Радыё Рацыя
Array