Гарадзенскаму блогеру Vadimati прысудзілі тры гады зняволення
У судзе Шчучынскага раёну вынеслі прысуд Вадзіму Ермашуку, вядомаму як гарадзенскі блогер Vadimati.
Фота: spring96.org
Суд пастанавіў пакараць яго трыма гадамі зняволення, яго прызналі вінаватым у абразе Лукашэнкі і знявазе дзяржаўнага сцяга Беларусі, – паведамляюць праваабаронцы.
10 чалавек прыехалі ў суд падтрымаць Вадзіма.
Прысуд вынес Дзмітрый Цівунчык, які раней судзіў сябра ініцыятыўнай групы Ціханоўскага. Вадзім падзякаваў усім, хто яго падтрымлівае, паабяцаў вытрымаць гэтае выпрабаванне і абавязкова дачакацца вызвалення.
У чацвер, 23 снежня, яго перавядуць у гарадзенскую турму.
Вадзім цалкам не прызнаў сваёй віны і адмовіўся даваць паказанні ў судзе.
Vadimati 36 гадоў, паводле адукацыі ён юрыст, на яго Instagram былі падпісаныя больш за 40 тысяч чалавек.
