У Менску адсвяткавалі Дзень Расеі
Менчукі, піша газета „Звязда”, „актыўна адгукнуліся на гэтае маляўнічае мерапрыемства”. Магчыма, „актыўнасць” залежала ад дармовага канцэрта расейскіх зорак.
Не ўсе беларусы станоўча ўспрынялі святкаванне ў сталіцы Дня незалежнасці чужой краіны – цяпер агрэсара, гавораць людзі:
– Беларусаў падрыхтоўваюць да таго, што яны наступныя, што яны будуць часткай Расеі. Я толькі адну задачу бачу ва ўсіх гэтых святкаваннях.
– Гэтая ўлада святкуе ў рамках сваіх каштоўнасцяў, у іх логіцы гэта лагічна. Свята чужой незалежнасці, яно так жа далёка, як дзень незалежнасці нейкай афрыканскай краіны.
– Чым ніжэйшы ўзровень адукацыі і ніжэй узровень даходаў, тым весялее яны ўсё ўспрымаюць і лічаць гэта нармальным.
– Гэта краіна агрэсар. Я асабіста супраць такіх святаў і такіх святкаванняў.
Расейскі амбасадар у Беларусі Барыс Грызлоў падзякаваў беларусам за салідарнасць.
Паводле нашых суразмоўцаў, адбыўся апошні ўдар па іміджу Беларусі.
Беларускае Радыё Рацыя
Фота: sputnik.by
