Глабальная Федэрацыя прафсаюзаў IndustriALL будзе падтрымліваць ліквідаваныя прафсаюзы ў Беларусі
З 13 ліпеня Вярхоўны суд стаў забараняць дзейнасць незалежных прафсаюзаў. Тры з іх чальцы IndustriALL: Свабодны прафсаюз металістаў, Беларускі прафсаюз работнікаў радыёэлектроннай прамысловасці і Свабодны прафсаюз Беларускі. IndustriALL гэта рашэнне не прызнае. Прадстаўнікі глабальнай Федэрацыі прафсаюзаў напісалі гендырэктару Міжнароднай арганізацыі працы і папрасілі тэрмінова ўмяшацца.
Федэрацыя падкрэслівае, што рэпрэсіі супраць прафсаюзаў Беларусі палітычна матываваныя і патрабуе неадкладна вызваліць 15 прафсаюзных лідэраў і актывістаў, якія знаходзяцца ў зняволенні.
