Альтэрнатыўная служба пры мабілізацыі ў Расеі не прадугледжаная
На афіцыйным расейскім партале «Объсняем. рф» з’явілася паведамленне пра тое, што грамадзяне ў рамках абвешчанай мабілізацыі не змогуць прайсці альтэрнатыўную грамадзянскую службу.
«Ці ёсць альтэрнатыўная грамадзянская служба (АГС) пры прызыве па мабілізацыі? Не. Альтэрнатыўная служба пры мабілізацыі не прадугледжаная», — сказана ў паведамленні.
Па законе «Аб альтэрнатыўнай грамадзянскай службе», грамадзянін Расеі мае права на замену ваеннай службы альтэрнатыўнай грамадзянскай службай, калі нясенне ваеннай службы супярэчыць яго перакананнях або веравызнанню.
