Рада Еўропы прызнала Расею “тэрарыстычным рэжымам”
Парламенцкая асамблея Рады Еўропы прыняла рэзалюцыю, у якой Расейская Федэрацыя названая “тэрарыстычным рэжымам”. “За” прагаласавалі 99 дэлегатаў, адзін устрымаўся.
Сярод іншых пунктаў рэзалюцыі — заклік да паставак Украіне сродкаў супрацьпаветранай абароны, заклік выключыць Расею з Рады Бяспекі ААН і стварыць міжнародны трыбунал для расследавання злачынстваў падчас вайны ва Украіне.
Беларуская дэмакратычная лідарка Святлана Ціханоўская ў той жа час выступіла з заклікам да Еўрапарламента прызнаць Аб’яднаны Пераходны кабінет Беларусі.
“Мы гатовыя супрацоўнічаць і рэалізоўваць сумесныя праекты ў рамках “Усходняга партнёрства” і іншых праграм. Мы ўжо наладзілі падобнае супрацоўніцтва з Радай Еўропы. Цяпер упершыню ў гісторыі Рада Еўропы будзе ўзаемадзейнічаць не з афіцыйным урадам, а з нашым дэмакратычным рухам. Мы заклікаем Еўрапарламент зрабіць тое ж”, − сказала Ціханоўская.
Беларускае Радыё Рацыя
