Выстава «Слядамі Скарыны ў Вільні»
У Бібліятэцы Акадэміі навук Літвы працягвае працу выстава «Слядамі Скарыны ў Вільні».
Месца: бібліятэка Акадэміі навук Літвы, Žygimantų g. 1, Вільня.
Ладзіць выставу Таварыства беларускай культуры ў Літве, і створана яна па выніках жнівеньскага мастацкага пленера, прысвечанага 500-годдзю выхаду ў свет у Вільні «Малой падарожнай кнігі».
Тут можна пабачыць мастацкія працы, натхнёныя Скарынам, ды розныя артэфакты, датычныя яго жыцця і дзейнасці ў Вільні.
Выстава будзе працаваць да 31 кастрычніка.
