Кіеў атрымае заходнія танкі і знішчальнікі?
Міністр абароны Украіны Аляксей Рэзнікаў упэўнены, што Кіеў у выніку атрымае заходнія танкі і знішчальнікі, якія дапамогуць выцесніць расейскія войскі з украінскай тэрыторыі, але мяркуе, што Вашынгтону давядзецца ўзначаліць гэты працэс, перш чым саюзнікі рушаць услед за ім.
«Я сапраўды аптымістычны з нагоды таго, што танкі «Абрамс» магчымыя ў будучыні, і я ўпэўнены, што знішчальнікі тыпу F-16, F-15 або «Грыпен» са Швецыі таксама будуць магчымыя», — сказаў Рэзнікаў у інтэрв’ю выданню Politico.
Краіны НАТА ўжо некалькі месяцаў абмяркоўваюць, ці варта пасылаць сучасныя баявыя танкі, такія як нямецкія «Леапард» або «Абрамс» з ЗША. Афіцыйныя асобы ў Нямеччыне заявілі, што не будуць першымі, хто адправіць цяжкую бранятэхніку з-за боязі, што гэта можа быць расцэнена як эскалацыя прэзідэнтам Расеі Уладзімірам Пуціным.
Амерыканскія чыноўнікі, між тым, сцвярджаюць, што танкі «Абрамс» з’яўляюцца складанымі з пункту гледжання лагістыкі машынамі, якія будзе цяжка падтрымліваць на поле бою ва Украіне.
Беларускае Радыё Рацыя
Array