Вера Лапко выйшла ў 1/8 фіналу турніру ў Трнава
Вера Лапко (355-ы нумар рэйтынгу ВТА) выйшла ў 1/8 фіналу турніру ў славацкай Трнаве. У матчы 1/16 фіналу беларуская тэнісістка перайграла прадстаўніцу Тайваня Я і Янь (610 ВТА) — 6:2, 6:2.
-
Фота: pressball.b
Яшчэ адна беларуска Крысціна Дзмітрук (258-ы нумар рэйтынгу ВТА) выбыла ў 1/8 фіналу турніру ў турэцкім Стамбуле. Яна саступіла ўкраінцы Дар’і Лапацецкай (622 ВТА) – 4:6, 3:6.
Сусветная баксёрская арганізацыя прызнала Аляксандра Усіка баксёрам года
Сусветная баксёрская арганізацыя (WBO) прызнала Аляксандра Усіка баксёрам года. Адпаведнае рашэнне было аб’яўлена на 35-м штогадовым з’ездзе WBO, які праходзіць з 24 па 29 кастрычніка ў Сан-Хуане. Усік у сваім апошнім паядынку 20 жніўня ў Джыдзе абараніў тытулы чэмпіёна WBA, WBO і IBF у суперцяжкай вазе, перамогшы раздзельным рашэннем суддзяў (116:112, 115:113, 113:115) брытанца Энтані Джошуа. Усік не прайграў ніводнага бою на прафесійным рынгу. У яго 20 перамог, з якіх 13 – накаўтам. 25 кастрычніка стала вядома, што бой Тайсана Ф’юры (32-0) і Усіка (20-0) можа адбыцца ў сакавіку 2023 года ў Саудаўскай Аравіі.
Ягор Шаранговіч прадоўжыў бамбардзірскую серыю
У рэгулярным чэмпіянаце НХЛ „Нью-Джэрсі” святкаваў перамогу ў гасцях у „Дэтройта”, і беларускі форвард „д’яблаў” Ягор Шаранговіч закінуў у меншасці і завяршыў сустрэчу з паказчыкам карыснасці +1. Шаранговіч набірае бамбардзірскія балы ў трох гульнях запар. Цяпер на яго рахунку 4 (2+2) ачкі ў сямі матчах цяперашняга чэмпіянату. І чатыры галы ў меншасці за НХЛаўскую кар’еру.
„Ювентус” не звольніць Масіміліяна Алегры, нягледзячы на нявыхад у плэй-оф Лігі чэмпіёнаў
Турынскі „Ювентус” давярае Масімільяна Алегры, нягледзячы на нявыхад у плэй-оф Лігі чэмпіёнаў. Пасля паразы ад „Бенфікі” ў матчы пятага тура групавога этапа Лігі чэмпіёнаў сітуацыя вакол 55-гадовага трэнера не змянілася. На дадзены момант „Ювентус” не збіраецца звальняць Алегры. Прэзідэнт „Юве” Андрэа Аньелі пацвердзіў, што хоча прадоўжыць супрацоўніцтва з Алегры. Тэрмін дзейнага кантракту Масіміліяна з клубам разлічаны да чэрвеня 2025 года.
Беларускае Радыё Рацыя
