Палітвязня Дзмітрыя Дубоўскага зноў будуць судзіць
Палітвязня Дзмітрыя Дубоўскага, асуджанага да 18 гадоў калоніі, зноў будуць судзіць. 15-га лістапада ў судзе Заводскага раёна Менска адбудзецца суд над ім па справе аб падзеях 2010 года.
-
Фота: t.me/a_partisans
Гаворка ідзе пра падзеі 30 жніўня 2010 года, калі была здзейснена атака кактэйлямі Молатава на Амбасаду Расейскай Федэрацыі ў Рэспубліцы Беларусь.
Анархісту ставіцца ў віну ч.2 арт. 339 КК (хуліганства) і ч.2 арт. 218 КК (наўмыснае знішчэнне або пашкоджанне чужой маёмасці). Справу будзе разглядаць суддзя Алег Каляда.
