Беларусы ўдзельнічаюць ў спартовым жыцці грузінскага Батумі
У спартовым жыцці грузінскага Батумі прымаюць удзел беларусы, якія арганізавалі тут бегавы клуб. Адным з арганізатараў бегавога клубу, да якога далучылася вялікая колькасць беларусаў у Батумі, з’яўляецца актывістка з Менску – Мілана.
Дзяўчына распавядае, як дзейнічае гэты клуб у зімовы перыяд :
-Зімовы перыяд у Батумі, канешне, мяккі вельмі. І надвор’е нам спрыяе. Таму ў нас вельмі шмат актыўнасцяў. Зараз у кожныя выхадныя ў нас планы: то кантрольны забег, то забег цягам сутак – гэта такая цікавая эстафета, і таксама плануецца навагодні, касцюмаваны забег.
Мілана кажа, што навагодні забег не будзе падобны да тых забегаў, што арганізоўваюцца ў Беларусі:
-Гэта не забег цвярозасці, адназначна, мы вырашылі. Мы плануем гэта рабіць удзень, можа гадзін у 12. Мы прабяжым сімвалічна 2023 метры. Гэта ўсе, хто прыйдзе, у касцюмах. Гэта будзе такі лёгкі бег.
На думку актывісткі, у грузінскім Батумі вельмі шмат жадаючых займацца бегам. Толькі ў іх бегавым клубе больш за 500 чалавек розных нацыянальнасцяў.
Беларускае Радыё Рацыя
