Сям’ю Лівянтаў адправілі на „суткі”
Як паведамляе „Свабода”, вядомага рэпетытара Яўгена Лівянта асудзілі на 14 сутак арышту, ягоную жонку Юлію Лівянт — на 15 сутак, а дачку Ганну Лівянт — на 14 сутак. Саўладальніка адукацыйнага цэнтру “100 балаў” Аляксея Іванова арыштавалі на 14 сутак. Невядомы прысуд зяцю Яўгена Лівянта.
Па інфармацыі праваабаронцаў, суд над Яўгенам Лівянтам адбыўся 29 снежня ў судзе Фрунзенскага раёна Менска. Суддзя Юлія Крэпская прызнала яго вінаватым ў „дробным хуліганстве” паводле арт. 19.1 КаАП.
Яўген Лівянт – вядомы рэпетытар па матэматыцы і фізіцы, заснавальнік адукацыйнага цэнтра “100 Балаў”.
