Гарадзенскі гурт Dzieciuki зайграў канцэрт у Сувалках
Вядомы гарадзенскі фолькавы панк-гурт Dzieciuki зайграў канцэрт у Сувалках.
У пабе Komin на канцэрт сабралася шмат мясцовых прыхільнікаў гурта, а таксама прыехала шмат беларусаў, каб паслухаць і паспяваць разам з „дзецюкамі” любімыя песні. Гаворыць адзін з вакалістаў гурта і яго лідар – Алесь Дзянісаў.
– Такое адчуванне, што мы адсюль і не выязджалі, бо Сувалкі – гэта адно з нашых сяброўскіх і шчаслівых месцаў. Гэта блізка, такое адчуванне, што вось-вось мы садзімся ў бус і вяртаемся на мяжу. Тут абдымаемся з усімі нашымі сябрамі і кажам – «ну ўсё, пакуль, сустрэнемся праз паўгады, праз год». Зразумела, што гэтага не будзе, такое жыццё, што зробіш. Трэба прызвычаіцца да таго, што маем.
Поўнасцю рэпартаж у далучаным файле:
Алесь Дзянісаў анансаваў таксама выхад неўзабаве новага міні-альбома гурта Dzieciuki.
Юрась Дзяшук, Беларускае Радыё Рацыя
