Ганна Вішняк: Прычынай ад’езду сталі сур’ёзныя праблемы са здароўем
З Беларусі ў Польшчу з’ехала былая палітзняволеная Ганна Вішняк. Яна вызваліся з-за кратаў у сувязі з заканчэннем тэрміна пакарання па крымінальнай палітычна матываванай справе.
„Прычынай ад’езду сталі сур’ёзныя праблемы са здароўем, а таксама верагоднае завядзенне чарговай крымінальнай справы”, – распавяла суразмоўца:
– На дадзены момант я займаюся афармленнем дакументаў, легалізацыяй у Польшчы. Пакуль мне яшчэ патрэбны пашпарт, але я буду падавацца на міжнародную абарону.
Палітвязень Ганна Вішняк вядомая як валанцёрка тэлеграм-канала „Кіроўцы-97”. Была асуджаная па артыкулу 342 Крымінальнага кодэкса Рэспублікі Беларусь або Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх.
Беларускае Радыё Рацыя
