Канцэрт Кацярыны Ваданосавай у Беластоку
18 красавіка Кацярына Ваданосава, музыка і тэлевядучая, грае вялікі сольны канцэрт у Беластоку!
Дата: 18 красавіка. Час: 19.00 (час мясцовы). Месца: кавярня Беластоцкага тэатру лялек, Kalinowskiego, 1, Беласток.
«У красавіку я святкую Дзень народзінаў. Калі я задумалася пра тое, які падарунак хачу атрымаць, то зразумела, што самы лепшы падарунак магу зрабіць сабе сама: паклікаць з розных гарадоў і краін сваіх музыкаў, з якімі ў Беларусі прайшла агонь, ваду, маршы і дваровыя канцэрты, і адыграць паўнавартасны акустычны канцэрт.
Гэта будзе першы наш супольны выступ пасля эміграцыі і майго выхаду ў рэмісію пасля анкалогіі, з якога, я спадзяюся, адновіцца нашая супольная праца ды творчасць. І спадзяюся, гэта будзе найлепшы Дзень народзінаў, які толькі можна ўявіць», — кажа спадарыня Кацярына.
У канцэрце бяруць удзел:
Кацярына Ваданосава — вакал, духавыя, гітара, клавішы;
Ганна Лепяшкевіч — цымбалы;
Васіль Ярмоленка — гітара.
Квіткі — 50 злотых пры набыцці загадзя (пішыце на мэйл [email protected] альбо ў мэсэнджар Фонду Tutaka) альбо 60 злотых на ўваходзе.
