Польшча аднавіла транзіт украінскага збожжа
Польшча аднавіла транзіт украінскага збожжа ды іншай сельгаспрадукцыі. Імпарт у краіну застаецца забароненым.
У адпаведнасці з новым распараджэннем украінская прадукцыя будзе перавозіцца ў суправаджэнні польскіх служб, а на грузавікі будуць устанаўліваць навігацыйныя пломбы. Грузы будуць суправаджвацца да польскіх партоў або да сухапутных пераходаў з іншымі краінамі Еўразвязу. Першы такі канвой выехаў сёння, 21 красавіка. Пяць грузавікоў з украінскай кукурузай, мясам і яйкамі накіроўваецца ў Нідэрланды. Іх суправаджаюць дзве машыны мытнай службы.
Раней, істотная частка ўкраінскага збожжа ды іншай прадукцыі, якая нібыта ішла транзітам, асядала на тэрыторыі Польшчы. Гэта выклікала пратэсты польскіх фермераў, прадукцыя якіх аказалася незапатрабаванай.
Array