Былой бухгалтарцы Менскага элетратэхнічнага завода прысудзілі пяць гадоў калоніі
У Менскім гарадскім судзе завяршыўся разгляд крымінальнай справы былой бухгалтаркі Менскага элетратэхнічнага завода імя Вавілава Ганны Карняенкі.
Жанчыну абвінавацілі ў незаконных дзеяннях у дачыненні да інфармацыі аб прыватным жыцці і асабістых дадзеных (ч.3 арт. 203-1 КК) і распальванні іншай сацыяльнай варожасці альбо варажнечы (ч. 3 арт 130 КК). Справу разглядае суддзя Святлана Чарапанава.
Судовы працэс пачаўся 19 траўня і праходзіў у закрытым рэжыме, таму інфармацыі пра сутнасць абвінавачання небагата. Вядома, што Ганну звольнілі з працы пасля «Народнага ўльтыматуму» ў 2020 годзе, затым яна судзілася з прадпрыемствам па факце незаконнага звальнення.
Вясна
