Праваабаронцы прызналі палітвязнямі яшчэ 9 чалавек
У спіс палітвязняў Беларусі дадаліся дзевяць новых імёнаў. Гэта Вадзім Говін, Юрый Паўлючык, Яўген Кушнараў, Алег Ягоранкаў, Павел Янчук, Аляксандр Хомчанка, Канстанцін Ступнікаў, Вольга Мацко, Сяргей Луферэнка.
-
Фота: prsa.pl
Як паведамляюць праваабаронцы, усе гэтыя людзі ўзятыя пад варту ці асуджаныя за паклёп альбо абразу Лукашэнкі. У некаторых таксама фігуруюць абраза прадстаўніка ўлады ці знявага дзяржаўных сімвалаў.
Зараз па падліках праваабарончай супольнасці ў Беларусі 1501 прызнаны палітвязень. Аднак колькасць людзей, затрыманых ці рэпрэсаваных па палітычных матывах, нашмат большая.
Беларускае Радыё Рацыя
