Беларусь не можа збыць малочную прадукцыю на 400 мільёнаў даляраў
Беларусь не знаходзіць рынкаў збыту для малочнай прадукцыі. На складах такой прадукцыі ляжыць амаль на 400 мільёнаў даляраў.
-
Фота: biocor.spb.ru
Пра гэта на нарадзе ў Лукашэнкі паведаміў прэм’ер-міністр Раман Галоўчанка, перадае БЕЛТА. Малочныя запасы на складах ён патлумачыў найперш цэнавым фактарам на знешніх рынках, а таксама ростам прадукцыйнасці на галоўным рынку — у Расеі.
Галоўчанка спадзяецца на іншыя рынкі: „Але спецыялісты кажуць, што гэта не трагічна, з’ява часовая: цана на кітайскім і наогул на азіяцкім рынку пачала расці”. Лукашэнка ў адказ параіў шукаць іншыя рынкі і прапанаваў Зімбабвэ, куды нядаўна ездзіў віцэ-прэм’ер Леанід Заяц. Па словах намесніка прэм’ера, жыхары Зімбабвэ спажываюць у год 8 кг малака на чалавека, а беларусы — 350 кг.
