Аляксандр Фядута трапіў у турэмны шпіталь
Палітвязень Аляксандр Фядута трапіў у турэмны шпіталь амаль адразу пасля пераводу ў магілёўскую калонію.
Паводле інфармацыі “Нашай Нівы”, у палітвязня абвастрыліся праблемы з сэрцам, з’явіліся ацёкі. Фядута і да арышту меў праблемы са здароўем.
Палітолага і літаратуразнаўцу Аляксандра Фядуту асудзілі да 10 гадоў зняволення па так званай “справе змоўшчыкаў”. Яго разам з Юрасём Зяньковічам і Рыгорам Кастусёвым звінавацілі ў спробе зрынуць дыктатуру Аляксандра Лукашэнкі.
Праваабаронцы палічылі справу справакаванай і сфальсіфікаванай і прызналі асуджаных па ёй – палітычнымі зняволенымі.
