Берасце можа ўвайсці ў бязвізавую зону Белавежскай пушчы
Рашэнне пра ўключэнне Берасця ў бязвізавую зону Белавежскай пушчы плануецца прыняць да канца года, паведаміў сёння журналістам міністр спорту і турызму Аляксандр Шамко ў прэс-цэнтры БЕЛТА.
„Бязвізавы рэжым сёння дзейнічае для гасцей Белавежскай пушчы, Аўгустоўскага канала і горада Гародня. Мы сёння бачым, як трэба прасоўвацца і што трэба рабіць для развіцця гэтых рэгіёнаў. Працоўная група аналізуе сітуацыю па Гародні, якая ўключана ў бязвізавую зону Аўгустоўскага канала, каб зрабіць найбольш спрыяльнымі ўмовы для наведвання Берасця.
Акрамя таго, у бязвізавую зону могуць быць уключаны Камянецкі, Жабінкаўскі і Берасцейскі раёны. Пры гэтым Аляксандр Шамко звярнуў увагу, што для прыцягнення турыстаў недастаткова толькі ўвядзення бязвізавага рэжыму. „Трэба разумець, што бязвізавы рэжым – гэта не панацэя, а адзін са складнікаў для развіцця турызму, прасоўвання турыстычных магчымасцяў”, – лічыць міністр.
Для прыцягнення турыстаў на тэрыторыі нацпарка „Белавежская пушча” дзейнічае 17 турыстычных маршрутаў. Пачаты работы па стварэнні археалагічнага музея пад адкрытым небам. Сумесна з польскім бокам па міжнародным праекце „Еўрарэгіён” Белавежская пушча” створаны тры трансгранічныя маршруты, уладкаваныя экалагічныя сцежкі, прапануюцца паляўнічыя туры. Для замежнікаў ёсць 80 аўдыягідаў на англійскай, нямецкай, французскай мовах.
Фота bptrip.ru
Array