Гія Шамахія: Дзякуй беларусам за дапамогу
Пацярпелы ад абвалу дома ў Батумі Гія Шамахія атрымаў ад беларусаў дапамогу.
Грошы збіраліся праз беларускую супольнасць ды перадаваліся наяўнымі. Гія Шамахія выказвае беларусам шчырую падзяку:
– 2 800 лараў наяўнымі. Усім вялікі дзякуй. І за грошы на навучанне дзіцяці. І з Амерыкі, і з Еўропы дасылалі. І падарылі 53 квадраты. Вялікі дзякуй.
Гія Шамахія выказвае таксама шчырую падзяку тром кампаніям, якія набылі для яго сям“і новае жытло.
Абвал пад´езда сяміпавярховага дома ў аджарскім Батумі адбыўся 8 кастрычніка 2021 года, падчас гэтага абвалу загінула дзевяць чалавек, сярод якіх трое дзетак.
Беларускае Радыё Рацыя
Фота Сяргея Апановіча
