Мастаку Генадзю Драздову прысудзілі 3 гады калоніі
Былому кіраўніку творчага аб’яднання «Пагоня» Беларускага саюза мастакоў Генадзю Драздову прысудзілі 3 гады пазбаўлення волі. Такі вырак у Менскім гарадскім судзе агучыў суддзя Яўген Пісарэвіч.
Падрабязнасці невядомыя. Працэс над мастаком пачаўся 2 траўня. Мастака абвінавачвалі ў «арганізацыі і падрыхтоўцы дзеянняў, якія груба парушаюць грамадскі парадак, або актыўным удзеле ў іх» і «садзейнічанні экстрэмісцкай дзейнасці».
Пра затрыманне Драздова ў сярэдзіне жніўня мінулага года паведаміла Беларуская Рада культуры. Сілавікі нібыта выявілі ў яго сумесныя фотавыявы з украінскімі вайскоўцамі.
Беларускае Радыё Рацыя
