Мітрапаліт Веніямін узнагародзіў сілавікоў граматамі
Мітрапаліт Веніямін адправіў службу ў турэмным храме папраўчай калоніі № 14 у Навасадах (Барысаўскі раён). Патрыяршы экзарх Беларусі ўзнагародзіў граматай начальніка гэтай калоніі, – паведаміла прэс-служба Беларускага экзархату РПЦ.
-
Фота: church.by
“У гэты дзень архіярэйскімі граматамі Барысаўскай япархіі былі ўганараваныя начальнік ПК № 14, палкоўнік Васільевіч Юры Іванавіч і камандзір 740-га зенітнага ракетнага палка палкоўнік Сарока Андрэй Васільевіч”, — гаворыцца ў паведамленні экзархату.
У гэтай калоніі ўтрымліваюць ня менш за шэсць палітвязняў — Змітра Дашкевіча, Сяргея Дэцука, Міхаіла Зубкова, Пятра Канстанцінава, Яўгена Кузьмянкова, Станіслава Міхайлава.
Беларускае Радыё Рацыя
