На Піншчыне праводзяць аналіз стану вады
На Піншчыне, пасля нядаўняй залевы, якая падтапіла Пінск і яго аколіцы, санітарна-эпідэміялагічныя службы правялі аналіз стану вады ў месцах адведзеных для купання. Мэта маніторынгу – праверыць ці не справакавалі моцныя ападкі развіццё інфекцый.
Па папярэдніх выніках – сітуацыя ў норме, але будзе яшчэ дадатковы кантроль, адзначае супрацоўнік санітарнай службы Эдуард Красоўскі:
– Мы зробім паўторны адбор пробаў вады і калі мікрабіялагічныя паказчыкі якасці вады будуць неадпавядаць, то мы будзем вымушаныя вынесці пастанова пра забарону купання дарослых і дзяцей. Дзеці гуляючы паводзяць сябе не кантралюема і могуць праглынаць ваду ў складзе якой магчыма мікрабіялагічнае абсемяненне здольнае выклікаць захворванне.
Усяго на Піншчыне дзесяць афіцыйна дазволеных месцаў для адпачынку каля вадаёмаў. Пакуль ані абмежаванняў ані забароны для купання няма.
Беларускае Радыё Рацыя
Array