„Няпроста вытрымліваць і быць пад ракетнымі абстрэламі звыш васьмі месяцаў”
Гэта вельмі няпроста для ўкраінцаў – вытрымліваць і быць пад ракетнымі абстрэламі звыш васьмі месяцаў. Кожны дзень і кожную хвіліну людзі гатовыя да любога развіцця падзеяў і гатовыя ў любы момант даваць ворагу адпор.
Пра гэта распавёў украінскі палітолаг, журналіст-міжнароднік Віктар Каспрук:
– Прызвычаіцца да каменданцкай гадзіны цяжка, але людзі прызвычаіліся і паспяваюць да таго часу трапіць дадому, і тут праблем ніякіх няма. Украінская нацыя кансалідаваная, яна змагаецца і дае адпор. Фактычна палова той вайсковай сілы, якая была ў Расеі, або нейтралізаваная або пашкоджаная.
Віктар Каспрук дадаў, што ў сувязі з вызваленнем Херсона ва ўкранцаў цяпер з’явілася надзея на хуткае завяршэнне вайны. Не выключана, што больш яснасці з’явіцца да канца года.
Беларускае Радыё Рацыя
