Пад Гомелем з’явілася лінія супрацьтанкавых умацаванняў
У гарадскіх чатах Гомля распаўсюджваецца відэа з выявай супрацьтанкавых умацаванняў побач з горадам.
Пра гэта паведаміла мясцовае выданне «Флагшток», іранічна назваўшы гэты комплекс імем міністра абароны Беларусі – «Лініяй Хрэніна». Яна ўяўляе сабой ланцуг бетонных пірамід паабапал чарнігаўскай шашы (гэта траса Е95 каля вёскі Калініна).
Упершыню пра стварэнне гэтай лініі ўмацаванняў – т.з. «зубоў цмока» – 18 траўня паведаміў маніторынгавы рэсурс «Беларускі Гаюн».
Мясцовыя прапагандысты кінуліся адмаўляць гэты факт.
