Палітзняволенаму юрысту з Ліды хочуць узмацніць рэжым
Палітзняволенаму юрысту з Ліды хочуць узмацніць рэжым.
Ігар Пыж’янаў да затрымання працаваў ў кампаніі „Белтэкс оптык” намеснікам дырэктара па прававых пытаннях. Раней працаваў у Лідскім РАУС, адкуль сышоў у запас капітанам. Быў назіральнікам падчас прэзідэнцкіх выбараў. Яго абвінавацілі па ч. 1 арт. 366 Крымінальнага кодэксу (гвалт альбо пагроза ў дачыненні да службовай асобы, якая выконвае службовыя абавязкі) і прысудзілі тры гады калоніі агульнага рэжыму. Падставай для крымінальнай справы стаў інцыдэнт падчас затрымання Пыж’янава. Юрыст адбывае тэрмін у наваполацкай калоніі.
25 жніўня адбудзецца суд па замене Ігару пакарання на больш жорсткае. Верагодна, яго збіраюцца пераводзіць на турэмны рэжым – піша “Вясна”.
