Рыгор Азаронак будзе выкладаць у Полацкім дзяржаўным універсітэце
Прапагандыст Рыгор Азаронак будзе з верасня весці ў Полацкім дзяржаўным універсітэце семінары і лекцыі «Асновы медыябізнэсу», паведамляе nashaniva.com.
Выкладчыкам Азаронка паставілі на фінансава-эканамічны факультэт, на кафедру сацыяльных камунікацый. Пары ён будзе весці ў 3-га курса.
Летась на журфаку БДУ стаў выкладаць калега Азаронка з іншага тэлеканала, АНТ, Ігар Тур. Яго паставілі выкладчыкам-сумяшчальнікам на кафедры тэлебачання і радыёвяшчання. Тур вёў факультатыў «Рэпарцёр тэлебачання» ў студэнтаў другога курса спецыяльнасці «Аўдыявізуальныя СМІ».
Апроч гэтага, іншыя прапагандысты бываюць у розных ВНУ з лекцыямі.
