У Львове жыццё выглядае мірным
Жыццё выглядае мірным, нягледзячы на тое, што ў суседніх рэгіёнах ідзе вайна. Такая сітуацыя ва ўкраінскім горадзе Львове.
Людзі ходзяць на працу, адчыненыя кавярні, усе спрабуюць захоўваць веру ў тое, што хутка ўсё зменіцца ў лепшы бок, – распавёў беларус Зміцер Лукомскі:
– Я знаходжуся цяпер у Львове, тут, на дзіва, ужо больш-менш спакойна. То бок горад жыве дастаткова мірным жыццём, у некаторых, хто прыязджае з тых раёнах, якія пад абстрэламі або былі пад абстрэламі, гэта выклікае шок.
Беларус Зміцер Лукомскі звярнуў увагу, што ў Львове зараз жыццё выглядае бяспечным у параўнанні з іншымі ўкраінскімі гарадамі. Таму пераязджаць у іншае месца ён не плануе.
Беларускае Радыё Рацыя
