Затрыманы заснавальнік медцэнтра «Нардзін»
Як стала вядома @Nashaniva, заснавальнік медыцынскага цэнтра «Нардзін» доктар Дзмітрый Сайкоў затрыманы разам з жонкай.
У самім цэнтры скончыўся вобшук, яго праводзіў Дэпартамент фінансавых расследаванняў — вынята дакументацыя. Работа медыкаў не спынялася.
Доктар Сайкоў, які заснаваў медцэнтр, затрыманы на сваім лецішчы ў Браславе.
Нагадаем, што напярэдадні ў краіне прыпынілі дзейнасць ліцэнзій двух буйных медцэнтраў — «Ладэ» і «Клініка А1». У прыватнасці, «Ладэ» аб’явіў аб спыненні аказання паслуг з 16 траўня.
Фота: t.me/nashaniva
