Беларускія танцы ў Сан-Францыска
Працягваюцца творчыя гастролі беларускай спявачкі і барда Таццяны Грыневіч па гарадах ЗША. Спявачка сустрэлася з беларусамі Сан-Францыска. Падчас сустрэчы не толькі гучалі беларускія вершы, песні і мелодыі, але і шмат было танцаў.
Спачатку спявачка выканала „Зорку Венеру” і „Пагоню” на словы Максіма Багдановіча, „Трэба дома бываць часцей” Рыгора Барадуліна, „Малітву” Наталлі Арсенневай, „Паланэз Агінскага” на словы Сержука Сокалава-Воюша.
Гэтыя песні ў выкананні Таццяны Грыневіч беларусы слухалі з зачараваннем і са слязамі на вачах.
Беларуская дзяўчынка Аліна на скрыпцы зайграла і заспявала „Перапёлку”, а потым усе разам заспявалі „Куру шчабятуру”, шмат гулялі, таньчылі. Такія сустрэчы запамінаюцца на ўсё жыццё.
Альжбета Руніцкая, Беларускае Радыё Рацыя
Фота аўтара
