“Вольная мова” адзначае дзень народзінаў
Моўнаму праекту “Вольная мова” сёння, 1 кастрычніка, спаўняецца адзін год. Агулам за гэты час было запісана звыш 270 размоваў, у якіх прыняло ўдзел пяць соцень чалавек.
І ўсё гэта для таго, каб ахвотныя сталі вальней гаварыць па-беларуску, – распавёў кіраўнік праекту Цімафей Акудовіч:
-“Вольная мова” – гэта праект, які мы запусцілі год таму па арганізацыі беларускамоўных гутарак для людзей, якія вучацца гаварыць па-беларуску. Гэта не навучальныя курсы, гэта менавіта месца, дзе людзі могуць папрактыкавацца ў нязмушанай атмасферы, у малых групах гаварыць па-беларуску. Каб прабіць моўны бар’ер і вальней пачувацца ў беларускай мове.
Як адзначыў Цімафей Акудовіч, на 1 і 2 кастрычніка падрыхтаваная насычаная праграма. Запланаваныя гутаркі, лекцыі, сустрэчы з цікавымі людзьмі, а таксама стрым з арганізатарамі „Вольнай Мовы”.
Беларускае Радыё Рацыя
