Помнік Янку Купалу ў Гародні „заззяў золатам”
Гарадзенскі дзяржаўны ўніверсітэт рыхтуецца да прыёму абітурыентаў. Усё даводзіцца да ладу.
Вырашылі абнавіць і помнік песняру, які знаходзіцца ля галоўнага корпуса ўніверсітэта на вуліцы Элізы Ажэшкі.
З самай раніцы работнік універсітэту літаральна даводзіў да бляска бюст Янкі Купалы, шаруючы яго наждачкай.
Помнік песняру быў усталяваны ў 1965 годзе і яго адкрыццё было звязана з прысваеннем навучальнай установе (на той момант гэта быў педінстытут) імя Янкі Купалы. Бюст паэта выкананы з бронзы.
Не так даўно помнік выглядаў вось так.
Фота з сайту grsu.by
Беларускае Радыё Рацыя, Гародня
