У Беларусі і Расеі немагчыма будзе здаць тэсты TOEFL
Міжнародная сістэма ацэнкі ангельскай мовы TOEFL прыпыніла правядзенне тэстаў у Расеі і Беларусі, піша devby.io. Прычынай называецца „абвастрэнне знешнепалітычнай абстаноўкі” — то-бок, вайна ва Украіне.
Кампанія патлумачыла ў сваім лісце, што ўдзельнікі тэставання атрымаюць ці ўжо атрымалі паведамленні на гэтым тыдні.
Напярэдадні сістэма IELTS таксама заявіла, што прыпыняе здачу тэстаў для расейцаў. Гэты крок тлумачыўся рашэннем уласнікаў іспыту — British Council і Cambridge Assessment English.
Сертыфікаты тэстаў TOEFL, якія пацвярджаюць узровень валодання ангельскай мовай, патрэбныя для паступлення ў многія ВНУ Еўропы, ЗША і Азіі. Таксама іх патрабуюць розныя замежныя кампаніі пры прыёме на працу.
Беларускае Радыё Рацыя
