У Беластоку адбудзецца прэзентацыя кнігі “(Не)расстраляныя”
Беларуская рада культуры 29 кастрычніка правядзе ў Беластоку прэзентацыю кнігі “(Не)расстраляныя”, якая прысвечана беларускім рэпрэсаваным літаратарам.
Пра гэта Беларускаму Радыё Рацыя распавёў старшыня рады Сяргей Будкін:
– Асабіста ад сябе і ад Беларускай рады культуры мы рыхтуем некалькі падзеяў, звязаных найперш з кнігай “(Не)расстраляныя”. І збіраемся ладзіць прэзентацыі ў Беластоку 29 кастрычніка ў межах “Бардаўскай восені” і 30 кастрычніка ў Варшаве ў Музеі новай Беларусі. Спадзяваюся, што мы паспеем з выданнем кнігі, яна выдаецца “Камунікатам” да гэтай даты. Вы – першыя, каму мы пра гэта кажам.
Гэтым разам кніга пабачыць свет вялікім накладам. Раней яна выдавалася, але ў невялікай, абмежаванай колькасці асобнікаў.
Беларускае Радыё Рацыя
