Вёску Вострава наведалі паэты
Востраўскую сельскую бібліятэку Слонімскага раёна наведалі сябры Саюза беларускіх пісьменнікаў – паэты Мікола Канановіч і Сяргей Чыгрын.
Сустрэча была прымеркавана да Дня роднай мовы. Але госці і вяскоўцы, якія наведалі бібліятэку, размаўлялі не толькі пра родную мову, але і пра беларускую кнігу, пра творчасць мясцовых літаратараў.
Мікола Канановіч нарадзіўся ў вёсцы Вострава. Таму выступаць сярод сваіх вяскоўцаў яму ўдвая было прыемней.
Тым больш, што землякоў ён пазнаёміў з сігнальным выпускам свайго новага паэтычнага зборніка “Вяртанне восені”, які рыхтуецца да выхаду ў Менску.
А Сяргей Чыгрын распавёў пра выдавецкія планы на бягучы год, найперш тыя, якія датычаць Слонімшчыны і слонімскіх аўтараў. Падчас сустрэчы ў бібліятэцы гучалі вершы пра родную мову, якія чыталі вяскоўцы, адбываліся конкурсы па беларускім фальклоры, літаратуры, краязнаўстве, дзе пераможцы атрымлівалі салодкія ласункі.
Аксана Шпак, Беларускае Радыё Рацыя, Слонімскі раён
Фота аўтара
Array