«Змагарнае стагоддзе»: творчая сустрэча з Уладзімірам Арловым у Лодзі
У пятніцу, 2 чэрвеня, на пляцоўцы ТБМ у Лодзі адбудзецца творчая сустрэча з з пісьменнікам і гісторыкам Уладзімірам Арловым, прысвечаная беларускай гісторыі ХІХ ст.
Дата: 2 чэрвеня. Час: 18.00 (час мясцовы). Месца: медыятэка «МеМо» (зала Warsztatowa), вул. Манюшкі, 5, Лодзь
Падчас сустрэчы прэзентуюць і новую кнігу Уладзіміра Арлова «Айчына. Ад Агінскага да Багушэвіча», і новае выданне знакамітай кнігі «Імёны свабоды» з 410 партрэтамі змагароў за свабоду нашай зямлі з часоў Тадэвуша Касцюшкі да нашых дзён.
Вось пра што раскажа спадар Уладзімір:
Беларусы-літвіны ў Вялікай арміі і гвардыі Напалеона. Мары і планы філаматаў і філарэтаў.
Змагарны 1831-ты. Чаму графіню Эмілію Плятэр параўноўваюць з Жаннай д’Арк?
Паўстанне Каліноўскага: адкрыцці апошняга часу. Жанчыны ў вызвольным змаганні.
Беларускія нарадавольцы і царазабойца Ігнат Грынявіцкі.
Будзе таксама дыскусія і аўтограф-сесія.
Уваход вольны!
