Алег Латышонак: «Нобель» Алеся Бяляцкага акурат зараз зверне ўвагу свету на Беларусь
У нядзелю на Акцыі Салідарнасці каля Генеральнага Консульства Беларусі ў Беластоку беларусы асобна ўзгадала сёлетняе ўганараванне Нобелеўскай прэміяй міру беларускага праваабаронцы і палітзняволенага Алеся Бяляцкага.
Кажа прафесар Алег Латышонак:
– Алесь Бяляцкі мой добры знаёмы. Вельмі шмат мы разам рабілі і сустракаліся. Цудоўны чалавек, які сёння ў турме. Ёсць уражанне, што гэты рэжым хоча пасадзіць кожнага шчырага беларуса. Узнагарода для Алеся Бяляцкага – звяртае увагу света на Беларусь. Думаю, што менавіта яго жонка павінна прыняць узнагароду, яна як раз тая асоба.
Пра Алеся Бяляцкага таксама выказаліся беларусы-удзельнікі Акцыі Салідарнасці:
– Гонар, канешшне. Гонар з боллю.
– Ён той чалавек, які стварыў «Вясну».
– Ён вельмі здзівіўся, але, канешне, гэта прэмія заслужаная. Лішні раз свет даведаецца пра сітуацыю ў нашай краіне.
– Алесь Бяляцкі – правадыр вольнасці. Чалавек сілы і моцы. Столькі зрабіў для Беларусі. Столькі змагаўся за нашыя правы.
Алесь Бяляцкі — адзіны беларус, які некалькі разоў быў за крок да атрымання Нобелеўскай прэміі міру. У 2022 годзе ён нарэшце атрымаў узнагароду.
Беларускае Радыё Рацыя
Array