Андрэй Саннікаў: У Беларусь трэба ўводзіць міратворчыя сілы
У Беларусь трэба ўводзіць міратворчыя сілы для прадухілення ядзернай вайны.
Экс-кандыдат на прэзідэнта Андрэй Саннікаў пракаментаваў заяву Пуціна пра размяшчэнне ў Беларусі ядзернай зброі:
„Гэта павінна насцярожваць ЗША. Ядзерная зброя, можа быць тактычнай, калі яе падвозяць да мяжы дзяржавы. Па сутнасці гэта тая ж смяротная стратэгічная ядзерная зброя”.
На думку лідара грамадзянскай кампаніі “Еўрапейская Беларусь”, Лукашэнка можа захаваць стартавыя пляцоўкі для пускаў міжкантынентальных ракет. “Калі ўдар па еўрапейскіх дзяржавах нанясуць з тэрыторыі Беларусі, NATO наўрад ці стане адказваць на яго Расеі”. Саннікаў таксама мяркуе, што ўдар па Украіне з Беларусі не стане падставаю неадкладнага ядзернага адказу NATO.
Крыніца: Хартыя-97
