Папа Францішак заклікаў Расею аднавіць збожжавае пагадненне
Папа Францішак заклікаў улады Расеі вярнуцца да выканання пагаднення аб экспарце ўкраінскага зерня марскім шляхам, нягледзячы на працяг баявых дзеянняў ва Украіне.
-
Фота: Reuters
«Звяртаюся да братоў, уладаў Расейскай Федэрацыі, з заклікам да аднаўлення Чарнаморскай ініцыятывы і магчымасці бяспечнага транспартавання ўкраінскага зерня», – заявіў ён у сваім пасланні ў Ватыкане, паведамляе Vatican News.
Папа сказаў, што збожжа з’яўляецца Божым дарам, каб накарміць чалавецтва, а ваенныя разбурэнні, якія яму пагражаюць, з’яўляюцца сур’ёзнай крыўдай для Бога. «Плач мільёнаў братоў і сясцёр, якія пакутуюць ад голаду, узносіцца да нябёсаў», – сказаў ён.
Таксама Папа Францішак заклікаў «не забываць маліцца за Ўкраіну, дзе вайна прыводзіць да разбурэння ўсяго, нават збожжа».
