Ціханоўскай уручана Міжнародная прэмія свету Ціперэры
Як паведаміў @pozirkonline галоўны дарадца дэмлідара Франак Вячорка, прымаючы ўзнагароду, палітык адзначыла, што Беларусь і Ірландыю „аб’ядноўвае прага свабоды”.
Святлана Ціханоўская падзякавала арганізатарам прэміі за салідарнасць і падкрэсліла, што атрымлівае яе „для мільёнаў свабодалюбівых беларусаў”.
„З гэтай узнагародай яны даведаюцца, што не самотныя ў сваёй барацьбе. На пратэстах у Беларусі мы скандавалі: „Верым, можам, пераможам”. Бачачы, якую падтрымку мы атрымліваем ад вас і ад людзей па ўсім свеце, я не сумняваюся ў нашай перамозе”, — заявіла палітык.
Міжнародная прэмія свету Ціперэры — узнагарода Ірландыі за гуманітарную дзейнасць.
Беларускае Радыё Рацыя
